Novxanı kəndində aparılan təmir-bərpa işləri çərçivəsində əhəmiyyətli infrastruktur layihələr həyata keçirilib.

Novxanıdakı yeganə istirahət parkının abadlaşması isə sakinlərin lap ürəyincə olub. Parkın hasarlarına aqlay örtüyü çəkilib, bütün köhnə çərçivələr dəyişdirilib, işıqlandırma sistemi yenidən qurulub. Xatırladaq ki, 1993-cü ildə elə bu parkda Novxanı kəndinin ən məşhur tarixi şəxsiyyətlərindən birinin - Məhəmməd Əmin Rəsulzadənin heykəli ucaldılıb. Aparılan kompleks təmir-bərpa işləri zamanı həmin heykəlin ətrafındakı mərmər plitələr yenilənib, əraziyə təzə tametlər, qazon döşənib. 

"Garden Market" yutub platformasında yeni mətbəx layihəsi fəaliyyətə başladı. Bu layihə digər yemək videolarından fərqlənir. Aparıcı-bloqerlər “Garden Market”in ekoloji təmiz və xüsusi seçilmiş məhsulları əsasında orijinal kulinariya eksperimentləri aparır.

Laçının bərəkətli torpaqlarından gələn orqanik məhsullar, müxtəlif bitkilər, xüsusi hazırlanmış təbii yağlar, təzə tərəvəzlər mətbəximizdə yeni reseptlərə çevriləcək. Yeməklər, şirniyyatlar, bitki çayları, faydalı içkilər… Hər buraxılışda sağlamlıq ön planda olacaq.

Bakı Abadlıq Xidmətinin “EkoSfera” Ekoloji-Sosial Mərkəzi ilə həyata keçirdiyi layihə zamanı məktəblərdə qida və üzvi tullantılarının təkrar emalı həyata keçiriləcək.

Azərbaycanda ekoloji mədəniyyəti gücləndirmək və təbii resurslardan səmərəli istifadə etmək məqsədilə “EkoSfera” Ekoloji-Sosial Mərkəzi İctimai Birliyi ilə “Bakı Abadlıq Xidməti” MMC arasında əməkdaşlıq çərçivəsində ümumtəhsil müəssisələrində qida və üzvi tullantıların təkrar emalı üzrə yeni mərhələyə başlanılıb. Tərəfdaşlıq çərçivəsində proqramın iştirakçısı olan 100-ə yaxın ümumtəhsil müəssisəsinə 100 ədəd biohumus avadanlıqlarının paylanmasına start verilib.

Bakı Abadlıq Xidmətinin Gəncədə apardığı təmir-bərpa işləri davam edir. Şəhərə gələnləri ən çox cəlb edən Nizami məqbərəsi olsa da, qonaqları ilk salamlayan, Gəncə barədə ilkin təəssürat yaradan abidə, heç şübhəsiz, Gəncə Qala Qapıları olacaq.

Gəncə qalası 16-cı əsrin ikinci yarısında, Osmanlı-Səfəvi müharibələri zamanı 3-cü Muradın göstərişi ilə Gəncəçayın sol sahilində inşa olunub. Əsasən bişmiş kərpic, çay daşı, gil və palçıqdan ərsəyə gətirilmiş qala divarları 1-ci Şah Abbasın və Cavad xanın hakimiyyəti zamanı möhkəmləndirilib. Bizim dövrümüzə tarixi qalanın çox az hissələri gəlib çatıb.

Bakı Abadlıq Xidmətinin Gəncədə apardığı təmir-bərpa işləri davam edir. Şəhərə gələnləri ən çox cəlb edən Nizami məqbərəsi olsa da, qonaqları ilk salamlayan, Gəncə barədə ilkin təəssürat yaradan abidə, heç şübhəsiz, Gəncə Qala Qapıları olacaq.

Gəncə qalası 16-cı əsrin ikinci yarısında, Osmanlı-Səfəvi müharibələri zamanı 3-cü Muradın göstərişi ilə Gəncəçayın sol sahilində inşa olunub. Əsasən bişmiş kərpic, çay daşı, gil və palçıqdan ərsəyə gətirilmiş qala divarları 1-ci Şah Abbasın və Cavad xanın hakimiyyəti zamanı möhkəmləndirilib. Bizim dövrümüzə tarixi qalanın çox az hissələri gəlib çatıb.

Azərbaycan Respublikasının Prezidenti İlham Əliyev və birinci xanım Mehriban Əliyeva Kəlbəcər şəhərində 1-ci yaşayış kompleksinin ərazisində fərdi və çoxmərtəbəli evlərdə yaradılan şəraitlə tanış olub, buraya köçən sakinlərlə görüşüblər. 33 ildən sonra doğma yurda qayıdan kəlbəcərliləri təbrik edən Prezident, Kəlbəcərin hansı şəraitdə azad edildiyini yada salıb. Ərazini tərk edən ermənilər nəinki evləri, hətta meşələri də yandırırdılar.

Azərbaycan Respublikasının Prezidenti İlham Əliyev və birinci xanım Mehriban Əliyeva avqustun 20-də Gəncə şəhərində  aparılan abadlıq və yenidənqurma işlərinin gedişatı ilə tanış olublar.

Qeyd edilib ki, “Bakı Abadlıq Xidməti” MMC tərəfindən şəhərin 637 yaşayış və qeyri-yaşayış binasının fasadı təmir edilib, 1159 binanın dam örtüyü yenilənib. 49 küçə və prospektdə işıqlandırma sistemləri qurulub, 62 ünvanda fasad işıqlandırması yenilənib, 24 fəvvarədə təmir və bərpa işləri aparılıb, 27 min kvadratmetr piyada yolu bərpa olunub.

Azərbaycan Respublikasının Prezidenti İlham Əliyev mayın 27-də “PIRSHAGHI” ayaqqabı fabrikinin Laçın filialının açılışında iştirak edib.

“Laçın Aqro-Sənaye Parkı”nda işə başlayan müəssisələrdən biri də “PIRSHAGHI” ayaqqabı fabrikinin Laçın filialıdır. Müəssisədə əsasən Laçın sakinləri olmaqla 15 nəfər işlə təmin edilib. Müəssisə kişi, qadın və uşaqlar üçün ayda 1500 cüt ayaqqabı istehsal etmək gücündədir. Müasir avadanlıqlarla təchiz olunmuş fabrikdə idman və klassik üslubda ayaqqabılar istehsal edilir.

“Bakı Abadlıq Xidməti” MMC-nin baş direktoru Bünyad Qasımov dövlətimizin başçısı İlham Əliyevə fabrik barədə məlumat verdi.

Qeyd edək ki, Prezident İlham Əliyev və birinci xanım Mehriban Əliyevanın iştirakı ilə 2023-cü il avqustun 26-da açılışı olmuş “Laçın Aqro-Sənaye Parkı” fəaliyyətini genişləndirir. Rayonun Zerti kəndində yerləşən Parkda artıq 12 müəssisə fəaliyyət göstərir.

İslamabadda Azərbaycan Abadlıq Layihələri

Pakistanın paytaxtı İslamabadda həyata keçirilən dörd böyük layihə “Bakı Abadlıq Xidməti” MMC-yə həvalə edilib.

1. Konqres Mərkəzinin müasirləşdirilməsi – 1997-ci ildə istifadəyə verilən mərkəzin ətrafında müasir dizayn və yaşıllaşdırma işləri aparılacaq.

2. Şrinaqar şossesində abadlıq – 25,5 km uzunluğundakı əsas magistral yol boyunca yaşıllaşdırma layihələri icra olunur.

3. Melody Food Park – Bu ərazi istirahət və əyləncə məkanına çevriləcək, kiçik biznes obyektləri bərpa ediləcək və turistlər üçün cəlbedici məkana çevriləcək.

4. Seyidpur kəndinin yenidən qurulması – Tarixi memarlıq qorunmaqla kəndin infrastrukturu yenilənəcək, su və sanitariya sistemi yaradılacaq, yerli sakinlər üçün təlimlər təşkil ediləcək.

Bu layihələr İslamabadın inkişafına töhfə verməklə yanaşı, Azərbaycan-Pakistan əməkdaşlığını daha da möhkəmləndirəcək.

Pakistan İslam Respublikasının Baş naziri Məhəmməd Şahbaz Şərifin Azərbaycana dövlət səfəri çərçivəsində fevralın 24-də Bakıda biznes-forum təşkil edilib.

Azərbaycan Respublikasının Prezidenti İlham Əliyev və Məhəmməd Şahbaz Şərif biznes-forumda çıxış ediblər.

Forumda iştirak edən “Bakı Abadlıq Xidməti” MMC-nin baş direktoru Bünyad Qasımov rəhbərlik etdiyi qurumun Pakistanın paytaxtında həyata keçirdiyi təmir-bərpa layihələri barədə məlumat verib. Qeyd edib ki, “Bakı Abadlıq Xidməti” tərəfindən İslamabadda icra olunan layihələrdən biri yekunlaşıb, üç layihə üzrə isə işlər davam edir.

Zəfər günü Azərbaycan Respublikasının Prezidenti İlham Əliyev dünyanın ən böyük bayrağını yenidən Bakı bulvarındakı tarixi məkanda - Dövlət Bayrağı meydanında ucaltdı. 

Bayrağın ucaldığı məkanda əsaslı abadlıq işləri görülüb. Meydan tamamilə işıqlandırılıb. Əraziyə 52 işıq dirəyi basdırılıb, 102 ədəd Phillips istehsalı olan lampa yerləşdirilib. Meydanda həmçinin yaşıllıq və landşaft işləri də görülüb. 4500 kvadrat metrlik sahəyə qazon döşənib. Xüsusi dizayn olunmuş yerlərə 54 min müxtəlif kol və çiçək əkilib.

Prezident İlham Əliyevin Pakistana səfəri çərçivəsində Baş nazir Məhəmməd Şahbaz Şərifə İslamabadın abadlaşdırılması planı təqdim olunub.

Məhəmməd Şahbaz Şərif: “Biz bu cür planları bəzən İstanbuldan nümunə götürürdük, indi isə Bakıdan nümunə götürürük. Heyətin rəhbəri bu fürsətdən istifadə edib İslamabadı Bakıya oxşadacaq”.